"No a sa spartzidura de is benis archeológicus de Monti Prama". Dimanda on line promovia de unu grupu de intelletualis

(IlMinuto) – Casteddu, 22 de su mesi de làmpadas - Sa risorsa archeológica de Monti Prama no depit essi spartzia, ma depit abarrai in su territóriu de Crabas, logu innoia est stétia agatada, aintru de una domu museu chi siat dignia de s'importu de s'iscoberta. Est cantu pedit una dimanda on line chi bit intre de is aprontadoris Marcello Madau, Carlo Tronchetti, Fabio Isman, Giulio Angioni, Paolo Bernardini e Alberto Moravetti. A oi funt stétias pigadas pagu prus de 140 firmas in acotzu de sa proposta. In abetu de su cumprimentu de sa domu de Crabas, pretzisat sa dimanda, su beni archeológicu de Monti Prama - fatu assumancu de 28 statuas mannas meda de gherradoris de edadi nuraghina e de 16 modellus de nuraxi, chi parrint essi de sa segunda metadi de su VIII sec primu de Cristu - su grupu depit abarrai uniu. "Ddoi funt is arrexonis - si ligit in su documentu - in faori de un'assentu de pagu tempus in su Tzentru Regionali de Li Punti, aundi funt giai in mostra, comenti puru in su Museu Archeológicu Natzionali de Casteddu, innoiasu beni iat a tenni grandu médiu: custu isceberu andat fatu cantu primu