A sa XI editzioni sa sagra de su pani de Gonnosfanadiga

(IlMinuto) – Casteddu, 14 de su mesi de làmpadas - Ocannu puru su Comunu de Gonnosfanadiga rennoat s'atopu suu cun sa sagra de su pani, chi in su 2012 lompit a sa XI editzioni sua. S'avenimentu, chi s'at a sboddiai in is diris 23 e 24 de su mesi de làmpadas, at a biri atóbius, dibàtidus e s'organizatzioni de una butega didàtica dedicada a sa sueta. Po s'avenimentu maistus de pani chi lompint de diversus logus de sa Sardigna ant a propòniri a sa genti is panis insoru. Domus meda ant a abarrai obertas po permiti s'atastu de diversus prodotus.