Sdr: apellu a su Diretori de su presoni Santu Serbestianu de Tàtari po unu presoneri in isciòpiru de su fàmini e de su sidi

(IlMinuto) – Casteddu 20 de su mesi de làmpadas - Funt giai 10 is diris de isciòpiru de su fàmini de Pasquale Concas, 44 annus, de Tortolì, inserrau in su presoni Santu Serbestianu de Tàtari. "Un'atzioni de 'autolesionismo' estremu comenti s'arrefudu de sa cosa de papai e de s'àcua, - afirmat Maria Grazia Caligaris, presidenti de s'assótziu Sotzialismu Diritus e Riformas - prusatotu si a ddu fai est unu presoneri, no si podit lassai cun is ogus serraus". "No serbint induressimentus ma est netzessàriu su chistionu". Concas arrefudat sa cosa de papai e s'àcua po protesta, poita ddi est stétia arreusada, po mori de essi stétia giudicada 'inammissibile' de su Tribunali de Castiamentu de Tàtari, sa dimanda de semilibertadi, agoa de un'annu de sa rèvoca de su provedimentu". "S'interpretamentu de is Magistraus de Castiamentu a faci de is tres annus chi abisongiant po torrai a presentai sa dimanda de semilibertadi - pretzisat Caligas - aparessit  'restrittiva' meda  biu ca su presoneri at passau in presoni 18 annus, chentza nisciuna nota negativa de cumportamentu e ca in su 2015 at a acabai de pagai su dépidu suu cun sa sotziedadi".