Serrenti oberrit is ennas a sa Domu de is Ajajus

(IlMinuto) – Casteddu, 15 de su mesi de làmpadas - Funt cumentzadas lúnis passau is atividadis de sa Domu de is Ajajus. Ativaus su serbítziu de residéntzia (po antzianus autónomus), su serbítziu de residéntzia no cumpleta e su serbítziu po papai aintru de s'istrutuas o a domitzíliu. Ma ita est da Domu de is Ajajaus? Est una comunidadi de ospidàgiu chi tenit 16 postus po personis autónomas o chi funt po su prus autónomas; unu tzentru acasàgiu a de diri cun fainas de sotzializatzioni e po afortiai is abiléntzias personalis de s'antzianu (residéntzia no cumpleta); un'agiudu a domu a papai cun pastus fatus totu aintru de s'istrutura chi previdit su trasportu e s'intregu a domitzíliu; serbítziu de pastus in su lodu, cun possibilidadi de sceberu de su síngulu o dópiu pastu. S'istrutura tenit puru unu sistema de lamada personali de assistu,  chi assegurat a s'ospiti una seguresa prus manna. Su serbítziu est fasiu de su lúnis a su sàbudu de is 8.00 a is 20.00. Po ndi sciri de prus tocat a s'acostai in su Serbítziu Sotziali de su Comunu de Serrenti.