Cuncursus. A sa II editzioni Protata sa sostenibilidadi Ogiastra

(IlMinuto) – Casteddu, 9 de su mesi de argiolas - Ddoi est tempus fintzas a su 31 de su mesi de argiolas po pigai parti a sa II editzioni de su cuncursu asuba de sa sostenibilidadi promòviu de su Gal Ogiastra e de su Comunu de Biddamànna Istrisàili. Su prémiu, insertau in sa III editzioni de sa Fiera de sa Produtividadi Sostenibili si pratzit in duas categorias: "confetzionis sostenibilis" e "prodotus innovativus". Una gara oberta a progetistas e creativus chi bolint presentai sa própriu bidea a solus, in assótziu o cun d-un'impresa. Títulu fundamentali est sa residéntzia de sa domu legali de s'assótziu o de s'atividadi in Ogiastra. "Po prémiu ddoi at essi - si ligit in d-una nota de imprenta - s'acumpaginamentu a sa 'prototipizzazione' cun d-un'agiudu in dinai o cun furnidura e s'aparada in su Saloni de s'Innovatzioni de Biddamànna Istrisàili". Obietivu de cuncursu est favorèssiri s'isvilupu sostenibili de su territóriu. Is progetus de is ant pigai parti a sa cosa ant essi espostus in su Saloni de s'Innovatzioni chi at essi cuncodrau aintru de su Tzentru Fieristicu de Biddamànna Istrisàili po sa Fiera de sa Produtividadi Sostenibili. Po ndi sciri de prus scriri un'e-mail a s'indiritzu: premio.pso@galogliastra.it

Fotografia de wallaceer pigada de Flickr