Sa Sardigna a sa conchista de s'Europa cun su tour de su cuartesu Arrogalla

6 Argiolas 2012
Image
arrogalla-222x300.png
(IlMinuto) - Casteddu, 6 de su mesi de argiolas - Est cumentzau gióbia passada in Milano su tour europeu de su musicista eletrónicu de Cuartu Sant'Aleni Arrogalla. Est custu su cuartu tour europeu de s'artista sardu. No ddoi est scéti s'Itàlia in is atopus musicalis in programa, ma sa Polonia e sa Lituania puru, innoia su musitzista at essi protagonista de festival internatzionalis de música eletrónica e raggae de importu mannu, intre is calis ddoi funt su Reggaeland Festival,  su Tundra Festival e su Reggaenwalde Festival. In custus e in àterus logus, Arrogalla - si ligit in d-una nota de imprenta - "at a presentai su concertu nou audio-videu de issu etotu, aundi s'agatant 'sonorità electro dub' influentzadas de sa cultura populari sarda innoia sulitus, mutetus e cantus a tenori snaturaus e modificaus funt acabiddaus a sonus eletrónicus e ambientalis, arricaus de bascius profundus i elaboraus in su mamentu comenti bolit sa traditzioni de su dub". Unu sipàriu musicali, su de s'artista cuartesu, giai antitzipau s' ierru passau in s'Holiday Island de Belino e in su Mimetismu de Madrid e sighiu in beranu in Casteddu, Biddanòa Franca e po su Stay Down Fest - Lagu Frumendosa de Nurri.
© RIPRODUZIONE RISERVATA