"Arcivatzioni e catalogatzioni de is màginis fotogràficas digitalis". Seminàriu in sa Facoltadi de Architetura de Casteddu

(IlMinuto) - Casteddu, 19 de su mesi de cabudanni - S'at a sboddiai cras su de noi atopus de sa "Fibera de is seminàrius 2012" aprontaus de su CRS4. S'avenimentu, est po totu sa genti, po is istudiantis e is impresas e s'at a sboddiai in sa domu de sa Facoltadi de Architetura de Casteddu in arruga "Corte d’Appello" 87 a is 17.30. Títulu de su seminàriu: "Arcivatzioni e catalogatzioni de is màginis fotogràficas digitalis". A presentai s'atopu at essi Maurizio Agelli, istudiosu de ténnicas po sa gestioni de is "contenuti multimediali" de su CRS4. "Su seminàriu -acrarat una nota de imprenta - at essi asuba de sa gestioni de is arcivus de màginis: comenti ddas aprontai, comenti ddas acastiai in su tempus e comenti ddas fai diventai fasias in modu profetosu", e s'"at a frimai apitzus de cuntzetus de importu mannu comenti is 'fomarti' is 'metadati', sa catalogatzioni e su backup". In is traballus s'at a fueddai puru de NotreDAM, s'apricu open source nàsciu de una bidea de su CRS4 po sa gestioni de is màginis digitalis.

Fotografia de jaqian. Pigada de Flickr