In Casteddu "S'incrinada de s'Otzidenti"

(IlMinuto) – Casteddu, 30 de su mesi de ledàminis - Unu fornali de atopus, dibàtidus e cuferéntzia. Est "S'incrinada de s'Otzidenti", su forum chi de su 9 a s'11 de su mesi de totussantus at essi acasagiau in is aposentus de su Teatru Auditorium Piticu de Casteddu. Cumentzendi de su títulu de un'òpera famosa de Oswald Spengler, de "S'incrinada de s'Otzidenti" si proponit comenti "Unu cunsidériu in cuàturu atus asuba [...] de su mamentu istóricu chi seus bivendi, "cun foranus chi lompint de logus diversus", chi ant a betiri is pentzus insoru asuba de crisi económica. A oberri s'avenimentu de su 9 de su mesi de totussantus, a cumentzai de is 18.00, sa setzioni "Identidadi in viàgiu. S'Otzidenti biu de s'àteru logu", chi at a biri su dibàtidu intre iscritoras e iscritoris "de un'Ovest a cunfrontu sighiu e astrintu cun medas àterus logus". Su mangianu afatanti at essi dedicau a su tema "S'incrinada de su paisàgiu", cun d-un'atopu innoia ddoi ant essi legistas, , istudiosus de estetica, economistas, giornalistas e urbanistas. Su meigama de sàbudu 10 at essi imbecis dedicau a "Sotziedadi e cristianu in sa crisi: mitus de is diris nostras" cun d-un'anàlisi chi at a tocai a su raportu cristianu-sotziedadi. Su forum s'at a serrai domínigu 11 de su mesi de ledàminis cun su mangianu dedicau a is "Disignus po abarrai in vida". Po ndi sciri de prus castiai a su programa