Censimentu 2011: fua fitiana de Casteddu. S'anàlisi de s'Usb

8 Ladàminis 2012
Image
censimento1-300x90.jpg

(IlMinuto) – Casteddu, 8 de su mesi de ledàminis - In su decenniu 2001-2011 Casteddu at pérdiu 12.858 abitantis: casi su 9 po centu de sa genti. Est cantu bessit a pillu de is datus de su Censimentu 2011. Is númerus funt stétius aforaus de su Comunu chentza abetai is aberguadas finalis de s'Istat, ma permitint comentisiollat de afirmai cun seguresa ca in tzitadi ddoi istaint pagu prus de 150mila personis (contra a is 183mila de su 1991 e a is 164mila de su 2001). "Casteddu - cumentat s'Usb in d-un'istúdiu - diventat una tzitadi sèmpiri prus cara, e sa crisi de su traballu e sa carestia de is domus istresiant sèmpiri de prus a sa genti abia de is biddas de su circondàriu. Est una tzitadi morta, chi no donat aficus de tempus benidori […]". "Ligendi cun atetzioni - afirmat su sindacau de basi - si cunfirmat ca sa crisi atravessat in prenu a su territóriu de Casteddu, sendu un'ecunumia acapiada po su prus a su tertziàriu chi in custus annus est stétiu arruinau de is irminorigamentus fitianus […]. In Casteddu no ddoi funt fainas de sceberu, comenti sa messarítzia e sa pastoria, e s'artesanau est po su prus ausenti, mentris su turismu no est lómpiu a su puntu de arranzai a sa mancàntzia de traballu chi s'agatat in àterus cumpartus. Sa pisca est 'amatoriale' e no industriali. S'edilizia patit sa crisi forti chi atravessat totu su cumpartu".


© RIPRODUZIONE RISERVATA