Cumentzat su Laboratoriu 2012 de su Tzentru Culturali Man Ray

(IlMinuto) – Casteddu, 3 de su mesi de ledàminis - S'intitulat "Laboratoriu 2012" sa mostra didàtica aprontada de su Tzentru Culturali Man Ray chi s'at a sboddiai de su 5 de su mesi de ledàminis a su 4 de su mesi de totussantus in is aposentus de su Tzentru Comunali de Arti e Cultura "Lazzaretto" de Casteddu. Lòmpia a sa XVIII editzioni sua, s'aparada, chi at essi inaugurada su 5 de su mesi de ledàminis a is 18.30, est stétia aprontada de Stefano Grassi ed Efisio Carbone e at a presentai una fibera de màginis fatas de calincusnu iscienti de s'Iscola de fotografia Man Ray Photo School. "Is temas isvulupaus ocannu - si ligit in d-una nota de imprenta - funt su ritratu sotziali e su paisàgiu". Ddoi at essi logu po àteras propostas puru, intre in calis un'aparada de màchinas fotograficas di épuca de sa colletzioni de Francesco Pusceddu.