Da facebook un'apellu po salvai a is cuadeddus de sa Jara

(IlMinuto) - Casteddu, 26 de su mesi de ledàminis - Est partiu martis 23 de su mesi de ledàminis de su social network facebook s'apellu po salvai a is cuadeddus de sa Jara, chi no tenint prus nudda de bufai e de papai e chi funt morri morri po mori s'istagioni sighia de asciotura. "Is aministratzionis comunalis" de su territóriu - si ligit in sa nota fata connosci in su web - - "funt cichendi su dinai po pigai fenu e musúngiu". Po arrexonis burocraticas s'at podi intervenni scéti intre de una dexinas de diris. S'interventu est perou apretosu, poita is cuaddeddus cumentzant a istuvonai su terrenu comenti faint is sirbonis in cica de cosa de papai. Po custa arrexoni, est inghitzada un'arregorta de alimentus po is cuadeddus: musúngiu, fenu e saina. In pagus oras s'apellu at cumentzau a sartiai intre de is utentis de su social network prus nomenau: "Chini podit/bolit cuncùrriri acoitu, podit cuntatai a Stefano Melis de sa coperativa 'sa jara manna'". Sa coperativa chi acastiat sa campeda e is sotzius suus ant a providiri a sa cumpartzidura de sa cosa de papai impari a àterus volonteris. Chini bolit contribuiri depit mandai una email a s'indiritzu alessandro.02@tiscali.it iscriendi su própriu númeru de telefonu.