De su presoni de pratza Mannu a su de Massama: is discumbénius

(IlMinuto) - Casteddu, 22 de su mesi de ledàminis - "Is 120 presoneris de su presoni de Aristanis-Massama ant a depi abetai po podi fai is collóchius létzitus e po tenni s'atúliu prenu de is coxinas. S'incrichida bófia a sa marolla de su Ministeru de sa Giustítzia in su trasferimentu no at permitiu de organitzai a su mesullus is duus serbítzius". Est cantu denuntziat Maria Grazia Caligaris, presidenti de s'assótziu Sotzialismu Diritus Refomas, agoa de essi bennia a conoscéntzia gràtzias a calincunu familiari de is inserraus in su presoni de Massama de is arragus tentus po fai is collóchius cun is parentis. Un'istrutura, sa chi at replasau a su presoni de pratza Mannu in Aristanis, progetada po 250 presoneris e inaugurada cun totu chi is traballus no siant stétius acabaus. In su presoni, difatis, funt balu impegnadas iscuadras de operàjus cun cuseguéntzias prevedìbilis che pesant in is pabas de su tzitadinu privau de sa libertadi: "No est stétiu balu possíbili assegurai [...] collóchius létzitus - acrarat sa Presidenti de Sdr - poita s'organizatzioni insoru tenit bisóngiu de s'isboddiai in turnus. In sa mantessi manera is coxinas tenit bisóngiu de essi collaudadas e de essi 'portate a regime' e duncas de essi operativas comenti abisongiat".

Fotografia de Luigi Rosa. Pigada de Flickr