In Nùgoro "Conceptual", sa mostra de Irina Stoyanova

(IlMinuto) – Casteddu, 8 de su mesi de ledàminis - Est stétia inaugurada gióbia passada in Nùgoro in is aposentus de s'arburada Sardigna "Conceptual", sa mostra de arti de Irina Stoyanova, ordingiada de s'assótziu culturali "Nuovo Trittico". "Tzitadina de su mundu", comenti amat a si definiri, inamorada de is artis visivas fintzas de candu furiat pipia, Irina Stoyanova si dedicat a una circa artística fitiana castiendi "cun interessu ispeciali a su collage atressu de una ténnica amesturada, pintura 'acrilica', pintura ollu e arroba". Prusaprestu sa cratividadi sua no si firmat. Dda torraus a agatai difatis comenti fotografa, candu asuba de cussa etotu isperimentat s'incidéntzia de sa luxi chi ferrit e giocat cun sa carena, e disignadora de is cantzonis de amori de Georgi Vasilev "Torrai a portai in vida cun amori". De un'annu sa creatividadi sua at cumentzau a ospedai in Sardigna puru. Cun s'agiudu de s'artista Aldo Del Vigo, est nàsciu difatis su progetu "Ensemble", aparau in su Museu de su Pani de Monteleone. Agoa de s'avenimentu sa Stoyanova at cuncordau in Tàtari, cun fama, sa primu mostra totu sua "R.E.M." . "Conceptual" s'at a podi bisitai in Nùgoro fintzas a su 30 de su mesi de ledàminis