Si fueddat de língua sarda in Tàtari cun "Istudiare in sardu: a si podet faghere?"

(IlMinuto) - Casteddu, 5 de su mesi de ledàminis - Lompit a sa fini "Su Sardu in Tres Paràulas", sa faina culturali càrriga meda sboddiada po avalorai sa língua sarda aprontada e nàscia de una bidea de s'assótziu de is istudiantis Su Majolu. Su 12 de su mesi de ledàminis chi benit a is 16.30, difatis, in s'àula Umanistica de s'ex Facoltadi de Líteras in arruga Zanfarino 62 in Tàtari, s'assótziu at a serrai cun s'atopu "Istudiare in sardu: a si podet faghere?". In s'atóbiu istudiantis e professoris ant a fueddai de s'esperiéntzia tenta. S'avenimentu est obertu a totus e totus ant a podi pigai su fueddu e s'ant a podi cunfrontai apitzus de sa chistioni de sa língua, argumentu de importu mannu po is Sardus e sa Sardigna.