"Una Comissioni de inchiesta asuba de su presoni nou de Casteddu". Su cumbidu de Sdr a is parlamentaris sardus

4 Ladàminis 2012
Image
nuovo-carcere-250x300.jpg


(IlMinuto) – Casteddu, 4 de su mesi de ledàminis - "Traballu donau nimancu 7 annus fait chentza de bandu públicu e cuaus. Casi 60 milionis de eurus ispaciaus. Diritus de is traballadoris sèmpiri oféndius. Acabu de is traballus misteriosus". Funt custus is fatus chi faint movi a s'Assótziu Sotzialismu Diritus e Reformas a pediri a is deputaus e a is senadoris sardus de "intzutzulai a s'istitutzioni de una Comissioni parlamentari de inchiesta" asuba de su presoni nou de Casteddu. "Cali est s'arrexoni - pedit Caligaris in d-una nota de imprenta - poita s'impresa 'Operas Públicas' no est arrenescia fintzas a imoi a arrespetai is impignus, poita no pagat cun regularidadi a is traballadoris e no inditat in su cartellu de su cantieri sa data po finiri s'istrutura? Poita si sighint a donai finatziamentus de importu mannu chentza chi bengant fatas aberguadas asuba de sa capatzidati bera de portai a cumprimentu is traballus? Funt dimandas chi depint tenni un'arrespusta e ddu podit fai scéti una Comisssioni parlametari cun funtzionis de cuntrollu"


Fotografia de Federico Coppola. Pigada de Flickr



© RIPRODUZIONE RISERVATA