Caboris in Música: su progetu de annestru a sa música po pipius

(IlMinuto) - Casteddu, 29 de su mesi de totussantus - Sa Biblioteca comunali Grassia Deledda de Lungone aderit a "Nàscius po sa Música", unu progetu dedicau a is pipius chi andant de is 0 a is 6 annus po ddis fai connosci sa cultura musicali. Sa proposta est fata cun s'agiudu de su Tzentru po sa Saludi de su Pipiu, s'Assótziu culturali pediatras, s'Assótziu Italianu Bibliotecas e s'iscola de sa bidda. Su progetu, chi previdit unu programa arricu, s'at a isboddiai de su 6 a su 28 de su mesi de paschixèdda e s'at a intitulai "Caboris in Música". "S'iscopu - si ligit in d-una nota de imprenta - est su de [...] amaistrai a s'ascurtu e a sa comunicatzioni cun sa sa genti; iscobèrriri su mundu de is sonus e de sa música, de is diversus istilis musicalis e de is apricus insoru, cun s'obietivu de favorèssiri sa socialidadi, su cordinamentu, su rítimu e s'echilíbriu; connosci a is diversas zenias musicalis e imparai ca, a is diversas ispessias puru, podit corrispúndiri una música diversa".