In Casteddu un'atopu po chistionai cun is furesteris

(IlMinuto) – Casteddu, 5 de su mesi de totussantus - S'at a isboddai cenàbara chi benit a is 15.00 in arburada Muristènis s'atopu públicu cun is 29 candidaus a sa Consulta po is furesteris de su Comunu de sa primu tzitadi de sa Sardigna. S'atopu, aprontau de sa Càmara de su Traballu Cgil, at e tenni po tema "Traballu e tzitadinàntzia". S'argumentu de cunfrontu tenit s' iscopu de aprofundai is bideas e s'aficu de is furesteris in tzitadi. "Cunsideraus unu passu de importu mannu sa nàscida de sa Consulta". Est cantu afirmat Nicola Cabras, responsàbili de su dipartimentu Immigratzioni de sa Cgil de Casteddu aciungendi: "Imoi pedeus a is personis istrangias de arrexonai impari asuba de is temas de su traballu, asuba de is problemas insoru chi funt is nostrus puru, e asuba de is eventualis propostas ". A su dibàtidu ant essi presentis Cabras etotu, is candidaus a sa Consulta, Elisabetta Perrier segretària de sa Càmara de su Traballu, Marinora Di Biase rapresentanti de sa Cgil regionali, su consilleri de su Comunu de Casteddu Sebastiano Dessì. At a acabai is traballus Piero Soldini, responsàbili natzionali Imigratzioni de sa Cgil.

S.P.

Fotografia di Punk Jazz. Fonte Flickr