“S’arvure de sas poesias”: in Tula cuncursu in língua sarda po puetas de dógnia edadi

(IlMinuto) – Casteddu, 26 de su mesi de totussantus - Tula premiat a sa puesia in língua sarda cun “S’arvure de sas poesias”, su cuncursu promòviu de is assessoraus de sa Cultura de is Póliticas iscolasticas de su Comunu in provìntzia de Tàtari. Sa proposta s'isboddiat in cuàturu categorias (iscolas elementaris, iscolas médias, 14-18 annus, 19 annus e prus): a is primus duas podint pigai parti scéti is pipius de Tula, a is úrtimus duas setzionis podit pigai parti puru a chini no est residenti in sa bidda. Is primus tres classificaus de dógnia categoria ant essi premiaus in d-un'atopu in sa Biblioteca comunali, cun agiudus de 10 a 25 eurus po pigai líburus. Is puesias depint essi intregadas intru su 7 de su mesi paschixèdda in sa domu de sa Biblioteca de Tula (cursu Repúbrica 80), o imbiadas atressu de e-mail a s'indiritzu ottupanu@gmail.com.