Cumentzat su segundu ciclu de atopus asuba de s'allevamentu de sitzigorrus

6 Mese de idas 2012
Image
elicicoltura-300x273.jpg
(IlMinuto) – Casteddu, 6 de su mesi de paschixèdda - Si tzerriat "elicicoltura" s'allevamentu de sa gioga a iscopu alimentari. Obietivu de custu bratzu de sa "zootecnia" est prodúsiri cantidadis mannas de molluscus po ddus bendi a is ristorantis interessaus. Est própriu asuba de s'allevamentu de su sitzigorru chi sa Provìntzia de su Campidanu de Mesu, cun s'agiudu de s'Agentzia Laore, at a aprontai unu ciclu di atopus didàticus. Agoa de sa fortuna de sa primu editzioni chi s'est isboddiada su beranu passau, at cumentzai difatis su segundu ciclu de imparu puru asuba de s'allevamentu de sa gioga, chi at essi presentau lúnis 10 de su mesi de paschixèdda a is 16.00 in sa domu de sa Presidéntzia de sa Provìntzia in bia Carlu Felici 267 in Seddori. "Is iscientis nous funt massajus e giòvanus istudiantis interessaus a s''elicicoltura' - si ligit in d-una nota de imprenta - e a imparai is ténnicas noas di allevamentu de is giogas e i a profundai custu cumpartu de sa 'zootecnica'". Difatis "in s'ísula nostra - pretzisat su comunicau - biu su consumu traditzionali mannu e s'iscassa preséntzia de impiantus, s'interessu po s'allevamentu de su sitzigorru tenit un'importu mannu rapresentendi una fita ispecífica de su mercau agrualimentari".

Fotografia de Mammaoca2008. Pigada de Flickr
© RIPRODUZIONE RISERVATA