In Mamone est record furesteris. "No ddoi at su traballu"

5 Mese de idas 2012
Image
mamone-300x224.jpg
(IlMinuto) – Casteddu, 5 de su mesi de paschixèdda - Aumentant is furesteris in sa Colónia Penali de Mamone, in provìntzia de Nùgoro. S'arribu di àterus 17 tzitadinus privaus de sa libertadi at portau s'índixi de is preséntzias a su 93% (in su mesi de ledàminis furiat arribau a s'88%). Craramenti una percentuali aici arta no podit "tenni fiàntzia de traballu adecuau mancai is programas di avaloramentu de is produtzionis agriculas", afirmat Maria Grazia Caligaris, presidenti de s'Assótziu Sotzialismu Diritus e Reformas, pretzisendi ca "su dinai po su finantziamentu de is fainas po su traballu istraordinàriu e comunu funt iscassas e sa majoria de is presoneris est custrinta a abarrai po tempus meda chentza de fai nudda in is camaronis". Analizendi sa situatzioni de is presonis est netzessàriu pretzisai ca sa Sardigna est s'únicu territóriu cun tres colónias penalis, e ca duncas tenit s'índixi prus artu de terrenus destinaus a tzerachia penitentziària. In prus, is presoneris chi funt iscontendi s'iscampulitu de pena a foras funt po su prus marochinus, tunisinus e rumenus. "Su datu cumparrit galu prus significativu - cumentat Caligaris - si si cunsiderat ca po su Dipartimentu de s'Aministratzioni Penitentziària, cun is datus agiornaus a su 30 de su mesi de cabudanni de su 2012, is presoneris furesteris furiant in totu su 36% de is galeristus in is 206 Istitutus de sa Penísula. A su segundu postu de sa graduatória [...] ddoi est un'àtera colónia sarda sa de Is Arenas cun su 78%". "Una preséntzia aici manna de furesteris - narat sa presidenti de Sdr - est unu [...] signali ladinu de comenti su Dipartimentu no arraspetit a su printzípiu de sa territorialidadi de sa pena. Su prus de is tzitadinus comunitàriu i extracomunitarius benint trasferius de su Continenti, po su prus de s'Itàlia de tramuntana innoia fatuvatu bivint familiaris o aundi ant creau ligóngius sotzialis cun connazionalis". S'atividadi iscassa inzenerat intre is presoneris un'imbrúciu mannu e sa situatzioni no parrit biri unu lampaluxi, de su mamentu ca, lassendu is borsas-traballu, - pretzisat sa denúntzia - "sa càscia de is smendas est praticamenti bóida e duncas in is colónias puru est stétiu netzessàriu aprontai is turnus cun períudus longus de pàsiu impostu chi ingenerant galu de prus imbrúciu malu"

Fotografia de mailo. Pigada de Flickr
© RIPRODUZIONE RISERVATA