Barrinas in su Campidanu? In Serramanna dibàtidu aprontau de su comitau "No a is progetus Igia e Silìcua"

11 Martzu 2013
Image
no-ai-progetti-igia.jpg

(IlMinuto) – Casteddu, 11 de su mesi de martzu - Arriscus e bagas de is "Barrinas in Campidanu". Est custu su tema de s'assembrea-dibàtidu in programa sàbadu 16 de mesi de martzu in Serramanna (16.30, Teatru Comunali Pitiu) ant a pigai parti a sa cosa, intre is àterus, Giordano Corallo de su Comitau "No a is progetus Igia e Silìcua - Frima is barrinas in su Campidanu", Vincenzo Migaleddu, presidenti Isde - Méicus po s'ambienti in Sardigna e Claudia Zuncheddu, consilleri regionali de Sardigna Libera. S'atopu est aprontau de su Comitau "No a is progetus Igia e Silìcua - Frima is barrinas in su Campidanu". Boleus fabricai si ligit in sa pagini facebook de is aprontadoris de s'eventu - unu comitau chi gherrit contra a is progetus Igia e Silìcua presentaus a su Ministeru de s'Isvilupu Económicu de Saras e Geoenergy po circai fontis "geotermiche" e "idrocarburi" lícuidus e gassosus. Interessaus is territórius de Biddacidru, Seddori, Serramanna, Samassi, Biddesorris, Biddaramosa, Deximeputzu, Deximu Mannu, Biddaspitziosa, Silìcua, Assèmini e Uda". "Tocat oberri is ogus, no est in s'interessu nostru - afirmat su Comitau - pertusai e impoberai is terras nostras po benefítzius chi no ddoi funt, sa produtzioni di energia e "idrocarburi" in sa regioni nostra no fait sa bulleta de is sardus barata o su prétziu de su carburanti prus bellu".


© RIPRODUZIONE RISERVATA