In Tàtari torrat "Boxi de fémina"
Image
(IlMinuto) – Casteddu, 18 de su mesi de cabudanni - Po su 2013 Tàtari torrat a propòniri s'avenimentu "Boxi de fémina". Una de is is rassignas abetadas de prus de s' atòngiu tataresu, "Boxi de fémina" s'at a isboddiai de su 20 de su mesi de cabudanni a su 10 de su mesi de ladàminis chi benit. Sa manifestada est stétia aprontada de sa coperativa Teatru e/Mùsica cun s'agiudu de s'aministratzioni comunali de Tàtari. "S'avenimentu - si ligit in d-una nota de imprenta - comenti sèmpiri aghillit puru s'editzioni 2013 de is diversas formas de arti totus espressadas de is féminas, proponendi performance musicalis e teatralis, protagonistas connotas e progetus originalis chi s'ant a movi intre su Teatru Verdi e su Palatzu de Tzitadi". A oberri sa rassigna su 20 de su mesi de cabudanni in su Teatro Verdi at essi su traballu nou de s'artista sarda Franca Masu, unu viàgiu musicali innoia s'intendint fado, tagu, morna, boleru, jazz e mamòrias africanas e chi at essi acumpangiau de su cuartetu fatu de Faustu Beccalossi a s'"accordeon", Sarbadori Maltana a su contrabasciu, Lisandru Girotto a is ghitarras e de su catalanu Roger Soler a is percussionis. Sa manifestada at a sighiri in is diris 27 de su mesi de cabudanni cun Sìrbia Gallerano e su 10 de su mesi de làdaminis cun Dobet Gnahorè.
© RIPRODUZIONE RISERVATA