Arribat Cubas, su cursu bàsicu de lìngua sarda promòviu de s'Assessorau de sa Pùblica Istrutzioni de sa Ras
(IlMinuto) – Casteddu, 15 de su mesi de ladàminis - Aprontau de s'Assessorau de sa Pùblica Istrutzioni de sa Regioni Autònoma de Sardigna, Cubas, cursu bàsicu nou de lìngua sarda, tenit s'iscopu de intrai a is fundamentus de su sardu: s'"obietivu generali - si ligit in d-una nota de imprenta - est su de lompi a unu livellu bàsicu, segundu su Cuadru Comunu Europeu de Referimentu po sa connoscéntzia de is lìnguas". Is obietivus ispecificus puntant imbecis a fai connosci a is chi faint su cursu sa situatzioni linguìstica de sa Sardigna imparendi a arreconnosci e a evitai pregiuditzius e "stereotipi". S'iscopu est de recuperai sa normalidadi de sa lìngua e s'identidadi linguìstica sua, ma puru - si pretzisat - su de arreconnosci su sistema linguìsticu sardu e su continuum "diatopico", connosci s'ortografia e is normas de referimentu de su sardu". Is matérias de su cursu ant essi diversas: de sa polìtica linguìstica a sa dilaetologia, po intrai in su coru de sa lìngua chistionada e de sa iscrita. Is postus po pigai parti a Cubas no ant essi prus de 80. "Su Serbìtziu lìngua sarda - acrarat su comunicau - at a inditai 40 partecipantis po sa domu de Casteddu e 40 po sa domu de Tàtari chi tengant is tìtulus ispecificus pedius: essi residentis in Sardigna e tenni un'edadi intre is 18 annus e is 55 annus". Ant a passai ainnantis is istudiantis universitàrius in matérias umanisticas, is maistus chi tenint postu fissu, is maistus precàrius, is giornalistas professionistas e publicistas e is chi faint parti de assòtzius culturalis. Ant a passai primu de totus is prus giòvonus. Po ndi sciri de prus cuntatai su Portellitu linguìsticu regionali de sa domu de Casteddu a su nùmeru 0706064948 responsàbili Miali Ladu, e a su nùmeru 0706065067 - responsàbilis Giosepi Orrù e Giosepi Corronca. Po sa domu de Tàtari telefonai a su 0792088567 responsàbilis Istevini Ruiu e Giuanna Tuffu. Dd'at tempus fintzas a su 31 de su mesi ladàminis po imbiai is dimandas de participatzioni.