In Arriòra su suci e sa prupa de 15 iscritoris sardus
Image
(IlMinuto) – Casteddu, 11 de su mesi ladàminis. At essi presentada cenàbara 25 de su mesi ladàminis a cumentzai de is 18.00 in is aposentus de s'ofelleria Druci & Sabiu de Arriòra s'antologia "Campus de is istòrias". S'avenimentu est aprontau de Sardinian Way e de s'Assòtziu Alba Scriptorium. Su camninu de s'antologia, cumentzau in Sàdili, aghillit 15 contus de iscritoris sardus, unu traballu chi inseurrat a afortiamentu de una de is primus esperiéntzias de fund raising in su compartu culturali de Sardigna. S'antologia est - si ligit in d-una de imprenta - "suci e prupa de iscritoris sardus" e "tambeni si bolit fai connosci". Est aici chi at a fai una frimada in Arriòra, chi at fatu atopai su bisu de s'imbenteri de su Campu de is Istòrias Robertu Mura cun su Cafeo literàriu bisau de Mària Taresa Pinna, meri de s'ofelleria Druci & Sabiu. Primu de s'atopu culturali sa bidda at essi protagonista de unu mamentu de giogu, dedicau a is iscolas elementaris gràtzias a s'agiudu de su dirigenti iscolasticu Pinu Tilocca. Is istudiantis "ant a fabricai unu 'padraxu' chi at a essi testimòngiu de s'interessu de is inzennerus nous po sa cultura,e ant a podi donai aici isfogu a sa pantasia e a is manuzus, sighius de is volonteris de sa bidda". Sa presentada Campu de is Istòrias at essi unu mamentu de acrescimentu "a tutto tondo".
© RIPRODUZIONE RISERVATA