Cumentzat oi su cursu de lìngua e cultura italiana po furesteris

29 Ladàminis 2013
Image
alfabeto.jpg


(IlMinuto) - Casteddu, 29 de su mesi de ladàminis - Cumentzat oi in arruga Lianora de Arborè 10 in Casteddu, a cumetzai de is 15.30, su cursu de lìngua e cultura italiana po furesteris aprontau de s'assòtziu Alfabetu de su Mundu. "Su cursu, - si ligit in d-una nota de imprenta - fillu de annus meda de esperiéntzia in s'imparamentu de sa lìngua italiana a is furesteris cun professoris espertus e cualificaus, est indiritzau a is furesteris chi s'acostant po sa primu borta a su stùdiu de sa lìngua italiana". Is letzionis tenint s'obietivu de donai a is studentis is elementus essentziali de sa gramàtiga e sintassi, puntendi prusatotu a ghetai is funtamentas po una comunicatzioni bona. Is cursus, in nùmeru de 21, funt obertus a totus is furesteris e funt a gratis po is personis chi no tenint dinai e chi funt inditadas de is serbìtzius sotzialis e de sa Caritas. Is fueddus ghia: "flessibilità" e "multiculturalità". Difatis is imparamentus, si s'ant a sboddiai de su lùnis a su sàbudu, ant a permiti a dògnia scienti de sceberai cali diris e cali oràrius frecuentai. Po ndi sciri de prus scriri a s'indiritzu e-mail: info@alfabetodelmondo.it



© RIPRODUZIONE RISERVATA