Viàgiu atonginu in cuàturu sèculus de mùsica cun "Inaudita & Music in Touch"

27 Onniasantu 2013
Image
Inaudita-Music-in-Touch-300x149.jpg


(IlMinuto) - Casteddu, 27 de su mesi de totussantus - Unu viàgiu in cuàturu sèculus de mùsica atressu de ses concertus. Est sa rassigna Inaudita & Music in Touch, aprontada in Casteddu de s'assòtziu Spatziumùsica Circa i Ensemble Spatziumùsica cun s'agiudu de Musicus & Cantoris, s'apògiu de sa Provìntzia e de su Comunu de Casteddu e sa participatzioni de su Conservatoriu casteddaiu. Unu viàgiu musicali, su propostu, chi at a acabai su 16 de su mesi de paschixèdda, e chi at a fai torrai a ascurtai òperas mannas: de su repertòriu sacru de Cràudiu Monteverdi a sa mùsica de càmara de Franz Schubert, fintzas a sa "Sagra de su Beranu" de Igor Stravinsky e chentza de scabidai is caminus de punteri e prus tennologicus, innoia - si ligit in d-una nota de imprenta - "sa mùsica coiat is màginis videu e is computer svilupant, cobant e taballant impari in direta cun is stumentus de sa traditzioni clàssica". Unu caminu a cuncordu intre innovatzioni e traditzioni. Su concertu in programa po custumerì inaugurat sa fibera de atopus de sa rassigna acasagiaus de su Contervatoriu de pratza Porrino. Su merì de oi at essi dedicau a sa mùsica de Franz Schubert. A ddu oberri su falsetu Paola Spissu, su clarinetista Laretu Baldoni e su pianista Ricardu Leone, chi ant essi impignaus a sonai de Der Hirt auf dem Felsen D 965. At sighiri su Cuintetu po pianoforti e arcus in La majori "Sa Trota" D667, incumandau a s'interpretamentu de Noemi Loi a su violinu, Mària Beatrici Aramu a sa viola, Pedrupaulu Pais a su violoncellu, Stévini Colombelli a contrabàsciu e Manuelli Pinna a su pianoforti




© RIPRODUZIONE RISERVATA
Tags