Prètzius in Casteddu: in su mesi de totussantus fai sa spesa costat de prus
![prezzicagliari1.jpg](/sites/default/files/upload/2013/12/prezzicagliari1.jpg)
(IlMinuto) – Casteddu, 6 de su mesi paschixèdda - Pertocant prusatotu sa "cosa de papai e sa cosa de bufai chentza àrculu" (+0,4%) is aumentus de is prètzius registraus in su mesi de totussantus in sa tzitadi de Casteddu. A cantu narant is datus de su comunicau fatu connosci unus cantu de diris fait de su Serbìtziu Informatica e Statistica de su Comunu, in su mesi acabau de pagu sa carestia in tzitadi est abarrada po su prus aguali (-0,1%), ma cun aumentus de pigai in cunsidèriu is prètzius de sa cosa de papai. Est duncas netzessàris tenni prus dinai po preni is arrebustus e is frigoriferus de "birdura" (+2,7%), de “fruta” (+1,4%) e de "Àcua minerali, cosa de bufai chentza de àrculu, sucis de fruta e birdura" (+1,1%).