Amparu minorias linguìsticas istòricas: finantziamentu aministratzionis territorialis e de su logu

(IlMinuto) – Casteddu, 26 de su mesi de fiàrgiu - Ddoi at ai tempus fintzas a su 30 de su mesi de arbili de su 2014 a manera chi entis de su logu, Càmeras de Cumèrciu e aziendas sanitàrias de su logu presentint is pròprius progetus in matèria de amparu de is minorias linguìsticas istòricas (lei 15 de su mesi de paschixèdda 1999, n. 482). Is dimandas po pigai is finantziamentus depint essi cumpiladas impitendi is mòdulus aprontaus de pròpositu. Is documentus ant a depi lompi in s'Assessorau de sa Pùblica Istrutzioni de sa RAS, chi s'at a ocupai de s'"istruttoria" de is progetus. Totu sa documentzatzioni at a depi arribai a s'indiritzu : Regioni Autònoma de Sardigna/Assessorau de sa Pùblica Istrutzioni Ispetàculu e Sport/Serbìtziu Lìngua e Cultura Sarda - arburada Trieste, 186 - 09123 Casteddu, e at a depi essi imbiada in su mantessi tempus atressu de email a s'indiritzu pi.cultura.sarda@regione.sardegna.it, e a s'indiritzu de posta eletrònica: minlidar@palazzochigi.it de su Dipartimentu de is afàrius regionalis, is autonomias e su sport