Cuncursus: ghetau su bandu su "Time Out" de Time in Jazz
Image
(IlMinuto) - Casteddu, 25 de su mesi de fiàrgiu - Est stètiu ghetau su bandu ocannu puru, de su Time in Jazz de Belchidda, su cuncursu "Time Out", nàsciu po scerai tres grupus musicalis de propòniri a su jazz club de su festival, chi de s'8 a su 16 de su mesi de austu at ingenerai sa de bintiseti editzioni sua. Unu sceberu obertu a dj e formatzionis musicalis chi no tengant prus de tres personis e chi bit sa participatzioni a su cuncursu de diversas calidadis musicalis: de su jazz a su blues, de su folk a su bossa nova, de sa mùsica eletrònica a su rock, calidadis chi funt in acòrdiu cun su contestu e su clima de su club. Is musicistas interessaus ant a depi imbiai no prus a tradu de su 15 desu mesi de maju a sa segreteria de Time in Jazz (c/o Tzentru Laber - arruga Milanu, 18 - 07022 Belchidda OT) unu "demo" audiu in digitali chi amostit sa pròpriu proposta musicali e chi portit sa registratzioni de assumancu cuàturu branus, po un'aguantu totali de non prus de binti minutus. Sa comissioni artìstica de su cuncursu at a sceberai tres progetus, dognunu de custus at essi lamau a s'amostai a faci de su pùblicu in Belchidda intre su 13 e su 15 de su mesi de austu in is aposentus de su jazz club de su festival apariciaus in su Tzentru Laber. Po ndi sciri de prus scriri a s'indiritzu e-mail: info@timeinjazz.it o telefonai a su nùmeru: 079704731
© RIPRODUZIONE RISERVATA