In Casteddu su beranu s'allirgat cun sa mùsica de Michael Nyman

(IlMinuto) – Casteddu, 18 de su mesi de martzu - At essi recuperada su 27 de su mesi de martzu chi benit sa data de su concertu casteddaiu de Michael Nyman. Data chi furiat stètia annullada in su mesi de totusantus passau po arrexonis arrepentis de saludi chi iant fertu a su musicista ingresu. Su concertu de su pianista, cumponidori, misicologu e diretori de orchestra s'at a isboddiai in s'Auditorium de su Conservatoriu de Casteddu. Intre is àterus branus s'artista at a propòniri puru is musicas suas po film, is de "Letzionis de pranu", de "Is arrastas biancas de sa vida" ("The Claim"), de "Su diàriu de Anna Frank", de "Gattaca" e "Wonderland". A acumpangiai a su musicista ingresu sa proietzioni de unus cantu de videus pigaus de sa colletzioni Cine Opera, chi portat una fibera de filmaus giraus de Nyman etotu in is ùrtimus 15 annus in diversus logus de su mundu. Una zenia de diàriu visuvu chi est nàsciu in is tour numerosus chi at fatu, innoia benint documentadas facis de sa vida de dògnia diri, fatus chi no funt fatus apostadamenti e àteras circustàntzias e aundi Nyman donat a su pùblicu unu càstiu originali de su mundu ainnoia biveus.