Sòrgono e Seddori cursus de istùdiu tènnicu po allevamentu de is procus
Image
(IlMinuto) – Casteddu 19 de su mesi de martzu – Funt Sòrgono e Seddori is biddas protagonistas de is cursus de istùdiu aprontaus de s'Agentzia Laore Sardigna. Duus is istampaus prevìdius po is operadoris chi ant giai fatu is cursus de primu livellu. In su primu, chi at cumentzai su 26 de su mesi de martzu a is 9.30 in sa domu Laore de Sòrgono in cursu IV Totussantus, ant essi afrontaus argumentus acapiaus a is "aspetti zootecnici", cun atentzioni manna a sa gestioni aziendali, sanitària, alimentari. Mentras in su segundu, chi s'at a isboddiai in sa domu Laore de Seddori, in arruga Papa Giuanni XXIII snc, a cumentzai de is 9.30 de su 10 de su mesi de arbili de su 2014, s'ant a afrontai is formas tecnologicas chi istudiant su manixu a sa "trasformazione" de sa petza. Is dimandas po pigai parti a su cursu, sa primu iscadèntzia in data 25 de su martzu e sa segunda cun iscadèntzia su 9 de mesi de arbili, anta a depi lompi a is Isportellus Ùnicus Territoriali de s'Agentzia Laore Sardigna sighientis: Isportellu Ùnicus Territoriali de Sòrgono po s'area de sa Barbàgia 'e Mandrolisai; Isportellu Ùnicus Territoriali de Gavoi po s'area Barbàgia; Isportellu Ùnicus Territoriali de Ìsiri po s'area de su Sarcidanu; Isportellu Ùnicus Territoriali de Seddori po s'area de sa Marmidda; Isportellu Ùnicus Territoriali de Arborè po s'area de Campidanu de Aristanis e Isportellu Ùnicus Territoriali de Guspini po s'area de su Linas
© RIPRODUZIONE RISERVATA