In Gonnosfanadiga seminàriu de annestru a gratis de web marketing

(IlMinuto) – Casteddu, 10 de su mesi de arbili - Sa Jservice, cun s'amparu de su Comunu de Gonnosfanadiga e s'agiudu de s'ACCP Sant'Antoni de Santadi - Àrbus e de SardegnaE20, aprontat po su 12 de su mesi de arbili de is 9.30 a is 18.30, in s'àula consiliari de arruga Reina Eleni 2 in Gonnosfanadiga, unu seminàriu de annestru a gratis de web marketing. In su seminàriu ant essi amostaus is modus chi ant a permiti de isfrutai is possibilidadis de internet po donai prus visibilidadi e busines, atressu de s'impitu de is giassus web e de is social network comenti Facebook, Twitter e medas àterus. S'ant a amostai puru is modus de bèndida de is prodotus a clientis chi s'agantant in dògnia perra de su mundu, addia de sa progetatzioni de istrategias po definiri su brand e su target de su pròpriu prodotu. Po ndi isciri de prus e po iscritzionis telefonai a is nùmerus: 328.8604661 – 329.7709451 o iscriei un'e-mail a s'indiritzu: segreteria@sardegnaE20.it

Fotografia de cambodia4kidsorg. Pigada de Flickr