Pagu diris galu po pigai parti a su viàgiu de istùdiu promòviu de Laore Sardigna
Image
(IlMinuto) – Casteddu, 3 de su mesi de arbili - Cun s'agiudu de Atzioni Costera Catalogna “Litoral Costa Ebre”, s'Agentzia Regionali Laore Sardigna oberrit un'iscera pùblica po sa participatzioni a unu viàgiu de istùdiu. Obietivu: is realidadis de importu foras de s'ìsula in su cumparti de s'isvilupu territoriali de is comunidadis de pisca e "acquacoltura". S'atividadi de imparu, tenit s'iscopu de favorèssiri s'acrascimentu professionali de is operadoris de su cumpartu, po su prus in sa gestioni de atzionis "cooperativistiche", colletivas e de isvilupu territoriali. "Su viàgiu de istùdiu - si ligit in d-una nota de imprenta - puntat, puru, a favorèssiri s'integratzioni de is sistemas, in d-una luxi de melloria po totu su sistema, in is fasis de produtzioni, cambiamentu e bèndida po avalorai is prodotus". Is dimandas po pigai parti a su viàgiu de istùdiu depint essi presentadas, comenti pedint is cunditzionis inditadas in sa documentatzioni, intru is 10.00 de su e de su mesi de arbili chi benit
© RIPRODUZIONE RISERVATA