Un'annu in Austràlia

(IlMinuto) – Casteddu, 19 de abrile – A bos diat agradare de istare un'annu in Austràlia?

S'Austràlia est semper de prus su logu a ue sos giòvanos partint pro passare unu tempus longu a tesu meda dae domo. Sas resones podent èssere diversas: unu biàgiu pro si pasare dae su traballu, pro nde agatare unu, o pro istudiare.

In una Terra istravanada comente est s'Austràlia difatis nche sunt oportunidades infinidas pro bìvere aventuras de ispantu e connòschere unu mundu nou chi bos at a acollire cun simpatia e bonu garbu.

Pro cuncordare sa tzucada bostra però bisòngiat chi bos informeis in subra de sos vistos chi nche bolent pro sos biàgios de traballu, istùdiu e voluntariadu.

In sas tzitades australianas ais a atzapare una manera de bìvere acasagiadora, simpàtica e rilassada, un'ambiente alligru gràtzias a sos fèstival, a sos locales a sa moda e a sos mercados colorados meda.

In custos logos faghent eventos famados che a su Gran Prèmiu, sa gara de barca a vela Sidney- Hobart e sa Melbourne Cup. Ais isceti su problema de seberare, ca sas metròpolis australianas sunt medas e totu ant un'ambiente e una bida culturale meda ispipilla.

Si andas a Sydney, sa capitale de su New South Wales, sunt custos sos 10 logos de bìere:

1. Su Rocks: est unu cuartieri antigu, inoghe s'agatant sos pub prus antigos de s'Austràlia. Cussu chi a de die est unu cuartieri galanu, a chentu metros de sa Circular Quay, a de note si mudat in logu inoghe bufare drink cun turistas e ascurtare mùsica

2. Opera House: impare a s'Ayers Rock est su sìmbulu prus connòschidu de s'Austràlia. S'edifitziu s'agatat a nord de su Giardinu Botànicu Reale, dae s'istatzione ferroviària de Circular Quay

3. Darling Harbour: inoghe s'agatant diversos ristorantes, tzilleris e butegas de ògnia tipu

4. Bondi beach: una de sas plajas prus famosas de s'Austràlia

5. Blue Mountains: si lompet dae s'istatzione tzentrale de Sydney, o cun su postale dae sa Circular Quay. Blue Mountains sunt su logu pro una gita de una die, pro ite su parcu natzionale est perfetu pro ammirare unu paesàgiu ispantosu

6. Botanic Garden: partende de s'Opera House, si lompet a unu parcu birde fintzas a arribare a su giardinu botànicu

7. Sydney Harbour: una gita in traghetu pro ammirare sa tzitade. Sos traghetos partint dae sa Circular Quay o dae Darling Harbour

8. Manly: àtera plaja famosa. Manly Beach est una plaja longa prus de tres chilometros a 30 minutos de traghetu dae sa Circular Quay

9. CBD: su coro de sa tzitade s'isvilupat in tres istradas: King, George e Maquarie street. Inoghe s'agatant butegas e ristorantes (ristorantes de sushi, pizzerias e àteru), su Queen Victoria Building, sa catedrale de St Andrews, e ChinatowZn, totus logos de interessu chi cussigamus

10. Sydney Tower: s'edifìtziu prus artu de sa tzitade. Pro agatare s'intrada de sos ascensores si sighit King street. Cun 309 metros de artesa sa Sydney Tower permitit de bìere totu sa tzitade

Custos 10 logos si girant caminende. Sa Circular Quay est su portu turisticu de sa tzitade. A pagos metros dae Opera House s'Harbour Bridge e su cuartieri de Su Rocks. Dae inoghe naschent sas duas carreras printzipales: George e King street, e partint puru sos traghetos pro Manly e Bondi.

Sa metropolitana e sos postales collegant su tzentru cun totu sos cuartieris.

Una resone in prus pro seberare s'Austràlia, una Terra "giòvana" pro un'esperièntzia de unu tempus longu a tesu dae domo.

In ie ais a pòdere bìdere paritzos eventos isportivos de importu mannu. Intre custos podimus regordare sa Camel Cup, chi colat oru-oru sa costa, su Gama Fèstival in su territòriu de su Nord e sa gara de nadare in abbas lìberas, sa Cooly Classic, in sa Gold Coast.

Carta de identidade de su logu