Tzìnema: in Casteddu torrat "Storie di Città"

(IlMinuto) - Casteddu, 26 de su mesi de maju - At a torrai a cumentzai martis 27 de su mesi de maju a is 20.30, in arruga Montesanto 28 in Casteddu, sa rassigna de tzìnema aprontada de su Cìrculu de su Tzìnema FICC "LaboratorioVentotto" e de s'assòtziu "L'ambulante" chi tenit comenti tìtulu "Storie di città. Seconda fermata: Soggetti metropolitani". Sa manifestada in su segundu mòdulu suu bolit essi boxi - comenti si ligit in d-una nota de imprenta - "de unu caminu prus aprontau asuba de sa tzitadi, de sa cali bolit contai istòrias e amostai sìbolus, facis e controidas urbanisticas, sotziueconomicas, ambientalis e umanas". "Su caminu Sugetus metropolitanis - pretzisant is aprontadoris - benit fatu atressu de film a sugetu e atressu de documentàrius". Si cumentzat cun "Taxi driver" de Martin Scorsese e si sighit cun "L'odio" de Mathieu Kassovitz, cun "Exit through the Gift Shop" de Bansky, "La strategia della lumaca" de Sergio Cabrera e su 24 de su mesi de làmpadas, dat de s'ùrtimu atopu, "Metal y melancolia" de Heddy Honigmann.