Unu biàgiu pro istudiare s’ispagnolu: a Granada

(IlMinuto) - Casteddu, su 6 de maju - Pro ite istudiare s'ispagnolu? Ca s'ispagnolu nos permitet de comunicare cun prus de 495 milliones de persones in totu su mundu. Pro custa resone oe sa connoschèntzia de sa limba ispagnola est semper prus de importu in is curriculum de is giòvanos chi chircant traballu. In prus, connòschere s'ispagnolu permitet de biagiare e comunicare cun fatzilidade in is 21 istados de limba ufitziale!

Imparare unu pagu de ispagnolu bos at a èssere ùtile de seguru unu cras!

Pro meda giòvanos, s'Ispagna est sa prima terra de is biàgios, sa de is grandes iscobertas. Duncas non depimus fàghere àteru chi unire su chi est ùtile cun su chi lis agradat: unu biàgiu de istùdiu in Ispagna pro is vacàntzias de s’istade podet èssere sa risposta giusta a su disìgiu de is prus giòvanos de biagiare e, in su matessi tempus, lis at a permìtere de imparare sa limba ispagnola!

Ma a ue andamus a imparare custa limba? Is logos sunt medas, ma nois bos cussigiamus una tzitade andalusa: Granada, cun s'architetura sua, is butegas suas, is locales a sa moda e sa bida ispipilla, chi est una de is tzitades prus bellas de Europa e est unu logu chi càstiat a su tempus benidore.

Granada difatis est una tzitade galana chi costoit s'allèriu de sa cultura àraba e is monumentos bellos meda, chi ddoe faghent andare ogni annu milliones de biagiadores. Sa tzitade est numenada pro is festas e prena de locales de gitanos in ue cantant e ballant su flamenco e sa zambra gitana!

Granada est manna, ma su tzentru istòricu de sa tzitade si podet girare a pee. Dae Plaza Nueva, su coro de Granada, si podet lòmpere a totus is logos de interessu de sa tzitade. Unu postaleddu portat a s'Alhambra, e un'àteru, faghende s'oru opostu de su Rio Darro, portat a is cuartieris Sacromonte e Albaicìn.

S'Albaicìn est connòschidu puru comente cuartieri àrabu. De non pèrdere sa Catedrale, in Calle Gran Vìa de Colòn. Acanta, in Calle Reyes Catòlicos, s'agatat su Corral del Carbòn.

Dae Plaza Nueva si lompet a Plaza Santa Ana, in ue si podet visitare sa crèsia de Santa Ana. Dae Carrera del Darro s'arribat a Banos Arabes El Banuelo e a su Museu Archeològicu.

Sighende oros de fora s'agatant puru su Parcu de sa Sièntzia e sa Domo-museu de Federicu García Lorca.

Pro s'ispàssiu, a de note, Calle Elvira, su tzentru istòricu e Calle Pedro Antonio de Alarcòn sunt prenos de tzilleris.

Cale mègius logu pro is giòvanos chi sèberant de si assentare in unu cursu de ispagnolu in Ispagna?

Carta de identidade de su logu