Unu biàgiu a Riga pro istudiare su russu

31 Maju 2014
riga


(IlMinuto) - Casteddu, su 31 de maju - Si bolides diventare cosmonàutas depides imparare su russu! Ma podeis àere milli resones diversas pro imparare cussa limba! Est una de is limbas internatzionales fundamentales e sa connoschèntzia sua la pedint semper de prus in su mundu de oe: cale si siat s'obietivu linguìsticu bostru e su livellu de connoschèntzia chi ais de cussa limba, podeis agatare de seguru sa mègius solutzione pro is disìgios e is obietivos personales e professionales bostros.


Podeis organizare su biàgiu cun s'iscola Esl: pro unu cursu intensivu de russu de carchi chida o pro paritzos meses de immersione linguìstica, in cue ais a agatare de seguru sa fòrmula giusta. Su chi bos cussigiamus oe est unu biàgiu a Letònia.


Sa Letònia, chi est tra s'Estònia e sa Lituània e a làcana cun sa Bielorùssia e sa Rùssia, giughet unu tretu mannu de costa in su mare Bàlticu. In su 2014 Riga, sa capitale de sa Letònia, una tzitade galana nche l'ant elègida Capitale Europea de sa Cultura! Custu pro more chi sa tzitade e totu cussa terra sunt prenos a cùcuru de tesoros culturales chi balet a beru sa pena de iscobèrrere! Andare a giru in Riga bolet nàrrere a s'atzapare in mesu a medas logos de interessu.


Pro su chi pertocat is atratziones naturales, in cussa terra b'at plajas bellas meda de arena de oro chi sunt longas prus de 500 km in su golfu de Riga, e in prus b'at buscos misteriosos e prados de una bellesa incantadora.


Sa tzitade, cun s'architetura sua chi est caraterìstica meda, giughet un'allèriu ùnicu!


Sa primu cosa de fàghere a Riga est andare a visitare sa tzitade betza. Antigu e galanu, su tzentru istòricu de Riga est una prenda de iscobèrrere.


Inghìriu a sa pratza de su Munitzìpiu, su coro artìsticu e architetònicu de Riga, s'agatant: sa Seu de Riga, sa Domo de su Gatu, sa Domo de is Concas Nieddas e is Tres Frades. Bos cussigiamus de visitare sa Catedrale de Santu Peter (Skarnu iela 19), dae in cue si podet ammirare unu paesàgiu meravigiosu.


Su passu fatante sunt is duos sìmbulos de sa Capitale: su Monumentu de sa Libertade e su Palatzu de s'Òpera.


Su Casteddu de Riga est sena duda peruna una de is firmadas obligatòrias. De ischire ca su casteddu oe est sa sede de sa Presidèntzia de sa Repùblica de LetòniaUn'àteru monumentu de bìere in sa tzitade est sa Pulvertornis, sa sede de su Museu de sa Gherra. Intre is cuatieris de visitare bos cussigiamus de seguru su Gheto Ebràicu, in sa periferia de Maskavas.


Est importante ammentare ca Riga no est una tzitade caòtica, no est una metròpoli, est una tzitade trancuilla. Pro custu si girat camina camina, lìbera de percursos obligados.


In fines, mandigare a Riga est unu agradu! Sunt de tastare: sa kapostu zupa, is Pîrâgi e is klingeris. Bos cussigiamus duos locales pro mandigare lètone: su Lido Krasta e su ristorante Aulus Arsenals.


Carta de identidade de su logu





© RIPRODUZIONE RISERVATA