Unu campu istadiale chi t'at a iscoviare su mare de s'ìsula Elba (14-17 annos, iscolas superiores)

(IlMinuto) - Casteddu, su 10 de làmpadas - Unu biàgiu de oto dies e sete notes chi est fintzas unu cursu pràticu, fatu in mare e mescamente "intre" su mare. Est su campu istadiale de s'ìsula Elba, in ue non faghent petzi snorkeling (chi est a nadare impreende unu tubu "aeradore" pro respirare) e seawatching (chi est a osservare s'ambiente marinu). Difatis, gràtzias a sa guida de sos biòlogos marinos de sa Biodivers Elba Sea Academy e de s'ISM, sos giòvanos podent iscobèrrere unu muntone de ispètzies vegetales e animales chi bivent intre modde.

Sas chi ais a sighire non sunt letziones beras, ca non ddoe at nudda de iscolàsticu in sos campos-iscola chi organizat su WWF. Sas chi proponent sunt "vacàntzias ativas". Ogni die sos pitzocos ant a fàghere programmas de osservatzione naturalìstica, documentatzione fotogràfica e ant a analizare sos datos regollidos in sas atividades in mare. In pare cun sas atividades in mare, si faghent escursiones in terra, in ue sos giòvanos biagiadores ant a pòdere fàghere osservatziones botànicas, geològicas e zoològicas. In prus, sa bìsita in s'acuàriu de s'Elba est un'ocasione pro fàghere osservatziones iscientìficas de totu sos organismos marinos chi istant in cue.

Duncas bos semus cussigende una vacàntzia diversa dae sas àteras, ca custa est una vacàntzia pro giòvanos chi sunt apassionados a beru, pro pitzinnos chi ant gana de ischire e chi una die diant chèrrere diventare biòlogos marinos.

In sas oras mortas bos cussigiamus de visitare, in su tzentru istòricu de Portoferraio, sa Residèntzia de sos Mòlinos. Sunt 20 minotos a pee dae su portu, e pagu prus o mancu un'ora pro sa visita a sa residèntzia e a sos giardinos.

Dae in cue, andende a manu destra a bia a Forte Falcone, torrende conca a sa residèntzia, s'intrat in su Forte Stella, postu in su segundu montigru de Portoferraio. Inoghe si podet ammirare unu paesàgiu meravigiosu.

Torrende a bia a sa marina, s'agatant su museu de sos siddados napoleonicos, sa cresiedda de sa Misericòrdia e su Tzentru Culturale de Laugier.

Passende in sa marina, a 15 minutos dae su tzentru, girende a manu destra s'arribat a sa plaja de sas Giarras .

In sas dies de “vacàntzias ativas” bos cussigiamus puru de andare a mandigare a su mancu una bia a s'"Osteria Da Libertaria", unu locale caraterìsticu in su portu betzu de Portoferraio.

Si bos agradat partire a fàghere unu tour de s'ìsula su consìgiu nostru est de pigare unu de sos postales chi faghent s'aneddu otzidentale pro si firmare deretu a Marciana Alta o a Marina di Campo. Sos postales si firmant in sa pratzita intre sos duos palatzos prus artos de su portu e partint ògnia 30 minutos.

Tando, ite seis isetende a organizare su campu istadiale bostru?

Pro nd'ischire de prus càstia sa pàgina WWF.

Carta de identidade de su logu