In Tàtari diri prevenimentu "ICTUS celebrale"

(IlMinuto) – Casteddu, 23 de su mesi de ladàminis - Est prevìdia po sàbudu 25 de su mesi de ladàminis in pratza de Itàlia in Tàtari sa diri de revenimentu e scedas dedicada a s'"ictus celebrale". A dda aprontai, cun s'agiudu de su staff de sa Stroke Unit de sa Asl n.1 e de sa "Croce Blu" Tàtari e  cuns'apògiu de su Comunu de Tàtari, est s'assòtziu po sa "Lotta Ictus Celebrale" (A.L.I.Ce.) setzioni de Tàtari. In Sardigna, - si ligit in d-una nota de imprenta - dògnia annu, unus 4000 personis benint fertas de 'ICTUS' (10 a sa diri!); pagu prus de 1/3 de is malàdius at a tenni un'"invalidità residua" de importu. Sa maladia fatufatu ferrit tontinduna, "in circustàntzias puru de "benessere psicofisico" compromitendi in malu modu atividadis de importu mannu po una vida de relatzioni". Po cumprendi comenti si depit fai a faci de s'Ictus, A.L.I.Ce dedicat una diri de traballus po agiudai malàdius e familiaris a cumprendi sa maladia ma no est totu: s'assòtziu at essi a su serbìtziu de sa genti po dda informai asuba de s'Ictus "cun s'iscopu de curregi cumportamentus e istilu de vida chi ndi faint cresci is riscus". In su mangianu de sàbudu, is ativistas de A.L.I.Ce ant a donai a gratis unu libureddu de 30 pàginis in su cali ant essi acraraus: sa maladia, is cumportamentus po dda antitzipai e, s'at a agatai puru, comenti ndi cumprendi is primus signalis"

Fotografia de Luca. Pigada de flickr