Cumentzat una tres diris a s'inditu de sa "Filosofia in pratica"

(IlMinuto) - Casteddu, 10 de su mese de nadale - S'at a isboddiai su 12 de su mese de nadale chi benit, in is aposentus de su "spazio Search" in Casteddu s'atòbiu pùblicu chi tenit po tìtulu "La Filosofia nella sua declinazione sociale e politica". A intrai is traballus Enrica Puggioni, Assessori a sa cultura de su comunu de Casteddu. Ant a sighiri is relatas de is istudiodus Antonio Cosentino e Stefano Oliverio.

A sighiri, su mangianu fatanti,  aintru de s'atopu "Santa Teresa laboratorio aperto", in s'iscola mèdia "Alighieri" s'at a isboddiai unu laboratòriu de Philosophy for children.In su mantessi meigama de su 13 de su mese de nadale, in arruga Santa Mària Goretti, est prevìdiu s'avenimentu "Filosofia in piazza", in su cali, asuba de su modellu de is diàlogus socraticus, s'at a arrexonai de democratzia.

Sa tres diris at a acabai domìnigu 14, in is aposentus de su Tzentru de arti e cultura "Il Ghetto", in arruga Santa Crruxi 18, innoia Antonio Cosentino e Stefano Oliverio ant a organitzai unu workshop dedicau a sa Philosophy for children/community.

Totus is atopus funt aprontaus de setzioni sarda de su Crif.