Primu Piaghe Poetry Slam a Andrea Doro

9 Mese de idas 2014
Image
Poetry-Slam-300x216.jpg

(IlMinuto) – Casteddu, 9 de su mese de nadale - Est stètiu un'avenimentu foras de contu po un'atopu foras de contu sa primu gara de Poetry Slam, acasagiada in sa pitzeria Fanatic de Ciondolo in Piaghe su 20 de su mesi passau. S'avenimentu, lamau “Piaghe Poetry Slam”, est stètiu aprontau de s'Assòtziu Culturali AnimaMigrante cun s'agiudu de d'Ass. I’N’annI, de sa "Croce Gialla" e cun s'acotzu de sa Banda Musicali Piaghe. Cun s'amparu de sa L.I.P.S. Lega Italiana Poetry Slam, rapresentada de Giovanni Salis, chi po s'avenimentu at fatu su notàju de gara; sa gara at biu sa participatzioni de 10 performer sighius de unu publicu numerosu.


Puetas, iscritoris, blogger e sìmilis si funt "marranaus" a sonu de versus in d-unu contest literàriu brillanti, cun pagus arregulas, ma craras: giuria populari iscerada chentza de unu critèriu; òrdini de recitatzioni deteminau de sa sorti; tres minutus po recitai; nudda mùsica pre-registrada, nudda istrumentus musicalis, bistiris o ogetus de iscena.Cun s'istèrrida de Sergio Garau, performer tataresu bizarrosu, chi bivit a Torino, e chi cun su slam at girau mesu mundu, si funt fatus notai Roberto Demontis, Gavino Barria e Fabio Astone de Tàtari; Federico Fantoni de Ìtiri Cannedu; Rossella Dettori, Maria Dore, Attilio Talu e Emilio Ruda de Piaghe; Luana Farina de Othieri, sa bincidora de sa segunda editzioni de s'"Errabonda Poetry Slam" de Pòrtu Turre; Andrea Doro de Sòssu.


Sa giuria populari, fata de Mario Borghi, Luisa Pala, Giacomo Crobe, Angela Virdis, Giuseppe Sanna, Bruno Tuveri de su Comitadu de su Cantu Sardu "A.Desole" e Alessandro Doro, at donau su primu prèmiu po su Poetry Slam de Piaghe a Andrea Doro, chi at concuistau su diritu a pigai parti a sa finali sarda prevìdia in Tàtari in beranu. Apabas de su bincidori: Roberto Demontis, Gavino Barria e Luana Farina.


S'atopu est po su 10 de su mese de nadale chi benit in s'Alighera po su Poetry Slam chi s'at a isboddiai in sa Buteghedda de Claudia Crabuzza, chi at a biri sa presèntzia de Laura Wihlborg, campionessa isvedesa poetry slam 2008.


© RIPRODUZIONE RISERVATA
Tags