Unu biàgiu in su Genji Monogatari cun is trapadas de Miyayama

(IlMinuto) – Casteddu, 10 de freàrgiu - Arribat in Aristanis su Genji Monogatari. Sa meravìllia de sa literadura giaponesa est protagonista de sa mostra “Splendori dal Giappone”, acasagiada de su 6 de freàrgiu a su 6 de abrile in sa Pinacoteca “Carlo Contini”. De is prus cunsideradu su primu de is romanzos psicològicos, is Istòrias de su Printzipe Genji (custu su significadu de Genji Monogatari) contat in 54 capìtulos sa vida, is usos, is amores de sa sotziedade de corte in su medioevu giaponesu pagu prus o mancu s'annu 1000. In sa mostra aristanesa, su Genji Monogatari incraridu pro mèdiu de is trapadas de Miyayama Hiroaki, chi donant vida a is "suggestioni visuali" de s'òpera literària iscrita de sa dama de corte Murasaki Shikibu, bìvida a Heiankyo (oe odierna Kyoto) pagu prus o mancu a sa fine de su XI sèculu. Sa mostra, giai acasagiada a Padova e a Tàtari in su 2014, arribat a Aristanis cun un'allestimentu nou incuradu de Caterina Virdis Limentani e de Ivo Serafino Fenu.