Tèmpiu Pausania. Palazzina Comando: dapoi di lu cunsiddu comunali infucatu, Frediani vi torrà a pruà
Image
(IlMinuto) - Casteddu, 13 abbrili- Lu Cunsiddu comunali ulgenti, rimandatu prima di Pasca, è cumpritu malt' a sera, dapoi di folti discussioni innant' a l'ex-Palazzina Comando e lu scàmbiu cu lu Demanio pa l'ex galera La Rutunda. Trabaddi di lu Cunsiddu puru innant'a alti algumenti impultanti: cunstatà un débitu fora manègghj, lu cambiamentu di lu Prugghjettu di Fabbricazioni pa La Custaglia e chissu Rigulatori pa lu campusantu. No v'è stata discussioni pa mancanzia, un'alta 'olta, di lu nummaru ligali, cu li minurii chi ani lacatu lu Cunsiddu dapoi dilli intalghi privvisti e li trabaddi innant' a la Palazzina.
Cun 11 a faori e 10 cuntrari, s'era dezzisu di filmà lu scàmbiu e chistu pa divessi muttii, comu lu pesu dilla dizzisioni illa cumpusizioni e gistioni di lu patrimoniu. Filmà tuttu, dunca, e discuttinni meddu, palchì in paricchji no 'idini aba com' abà un pruvvettu pa la cittài di un cambiu di distinazioni - cun mudifichi siguramenti no baratti e irrivribili - innant' a un frabbicu missu a postu cun tutt' alti miramenti.S'è dizzisu cussì di cunghjlà la chistioni diffirèndila all'amministrazioni chi 'enarà. La pinsata è chi, a un mesi da lu 'ottu comunali, una dizzisioni cu effetti in un tempu longu andìa presa da ca', illu mandatu soiu, si faciarà garrigu di la piena scudialtà politica e amministrativa di l'effetti chi sighini.
Chjaramenti, lu scàmbiu cu lu demanio e lu cambiu di distinazioni pa l'ex-Palazzina viniani appugghjati più che altu da lu Sìndicu Frediani, chi ha puru la delega a lu Patrimoniu. In un primmu momentu, s'è pinsatu a li dimissioni di lu Sìndicu cuntrariatu pa lu 'ottu di calched'unu di la magghjuria, comu l'assessori Luciano, chi all'ultimu momentu ha 'uttatu a faori di l'istànzia di lu cunsidderi Marcello Moretto.
É statu cussì cunvucatu un altu cunsiddu comunali pa ogghj, a li 9:30, pa discuttì e vuttà palesementi li punti no affruntati, ma puru palchì Frediani vò fulzà la manu finz'a turrà a vuttà lu scàmbiu cu lu Demanio. Saria un casu più unicu che raru.
L.P.
Cun 11 a faori e 10 cuntrari, s'era dezzisu di filmà lu scàmbiu e chistu pa divessi muttii, comu lu pesu dilla dizzisioni illa cumpusizioni e gistioni di lu patrimoniu. Filmà tuttu, dunca, e discuttinni meddu, palchì in paricchji no 'idini aba com' abà un pruvvettu pa la cittài di un cambiu di distinazioni - cun mudifichi siguramenti no baratti e irrivribili - innant' a un frabbicu missu a postu cun tutt' alti miramenti.S'è dizzisu cussì di cunghjlà la chistioni diffirèndila all'amministrazioni chi 'enarà. La pinsata è chi, a un mesi da lu 'ottu comunali, una dizzisioni cu effetti in un tempu longu andìa presa da ca', illu mandatu soiu, si faciarà garrigu di la piena scudialtà politica e amministrativa di l'effetti chi sighini.
Chjaramenti, lu scàmbiu cu lu demanio e lu cambiu di distinazioni pa l'ex-Palazzina viniani appugghjati più che altu da lu Sìndicu Frediani, chi ha puru la delega a lu Patrimoniu. In un primmu momentu, s'è pinsatu a li dimissioni di lu Sìndicu cuntrariatu pa lu 'ottu di calched'unu di la magghjuria, comu l'assessori Luciano, chi all'ultimu momentu ha 'uttatu a faori di l'istànzia di lu cunsidderi Marcello Moretto.
É statu cussì cunvucatu un altu cunsiddu comunali pa ogghj, a li 9:30, pa discuttì e vuttà palesementi li punti no affruntati, ma puru palchì Frediani vò fulzà la manu finz'a turrà a vuttà lu scàmbiu cu lu Demanio. Saria un casu più unicu che raru.
L.P.
© RIPRODUZIONE RISERVATA