Tèmpiu. Alga: silviziu panni igienichi

(IlMinuto) - Casteddu, 8 làmpata - Comu annunziatu illi chiti passati, in Tèmpiu Pausania, tra li nuitai di la gistioni di lu silviziu pa l'alga da palti di lu gistori nou (Ambiente Italia) è privistu chi l'indiffarenziatu 'enarà accoltu una sola 'olta la chita; chistu pa cilcà di privinè cumpultamenti oppoltunisti da palti di li zittadini chi abbassani l'accolta diffaranziata, smannendi li costi di cunfirimentu in muntinagghju e la cunsighenti inettitudini di lu silviziu. Chistu, parò, cumpolta illu matessi momentu difficultai a famili e strutturi undi vi siani isvàliti, anziani e steddi minori. Pa chistu muttiu, comu annunziatu da Ambiente Italia, veni privistu un silviziu apposta pa l'accolta più frecuenti di li panni igiènichi. Pa pudè aè chistu silviziu è nizissariu sighì l'infulmazioni di lu mòdulu di dummanda pripparatu da lu Silviziu Frabbichi Priati e Ambienti. Lu mòdulu in autociltificazioni andarà lacatu a l'Uffiziu Protocollo di lu Comuni gaddhuresu.

L.P.