Tèmpiu Pausania: "Il Re fa rullare i tamburi". Ogghj donu a Faber
(IlMinuto) – Casteddu, 29 de tìula - Comu dugna statiali, la citài di Tèmpiu dedichigghjarà una serata tintadora in ammentu di Fabrizio De André. Ogghj, cumincendi a ora di li setti, divessi spittàcculi altìstichi pinsati e ulganizzati da l'assòziu Iskeliu pa un attoppu spaltu chi si moarà illu centru storicu timpiesu. "Il Re fa rullare i tamburi" - cun Sandro Fresi direttori altisticu e la prisentazioni di Maria Pintore - sighendi lu tittulu di una di li deci canzoni di Volume III di lu 1968, sarà lu nommu di chist'annu pa lu donu a Faber.
L'ariata alcana di granitu e stritti timpiesi, tra bugghju, luci e umbri, soni e boci, è cuncoldi cu la canzona attippigghjata da l'altista genovesu. Prisintata ulmai mezu seculu fa comu "canzona populari di lu XIV seculu" è in rialtai ispirata a la 'ita e li cunfàppuli di la colti impiriali francesca. Di "Le Proclame du Roy" ancora ogghj ha cumpusidori e autori no ani nommu, mentrecchì l'attinziunòsa traduzioni di De André è stata cunculdiata in musiga da Giampiero Reverberi, influinzatu da lu essu di Ivo Livi (in arte Yves Mondant) di poch'anni primma.Lu 'iagghju musigali - appugghjatu da la Fundazioni De André ONLUS, l'Assessoratu timpiesu a la Cultura e la Pro Loco - cu li spittàculi soi toccarà li lochi prinzipali di lu centru stòricu di Tempiu: Piazza di l'Ara, Piazza Gaddhura, Piazza Don Minzoni, li gradoni e la piazza di la Ghjesgia di Santu Petru, undi comprarà lu 'iagghju ispiratu a Faber e l'alti soia.
L.P.