Lu Carrasciali Timpiesu: dui dì di festa

(IlMinuto) - Casteddu, 8 austu - È arriatu lu fini chita chi doaria signà lu momentu più altu pa lu statiali timpiesu pa cantu rigalda l’offelta e li prisenzi turistichi. Vennari e sabatu, infatti, dui tra l’eventi prinzipali di lu statiali timpiesu 2015. Si cumencia ogghj, da li 5 di sirintina, cu la VI edizioni di la Festa di la Paddha, ulganizzata da l’Assoziu cummelcianti “Centru citài” cun l’appogghju di Dol.Pa Logistica e l’AquaFantasy di l’Isola Rossa. Eventu chi pidda ispirazioni da la paddha come rifirimentu all’esse buriosu da sempri accustatu a livellu pupulari a lu paesi (“timpiesi paddhosi“). In un ambientazioni western e fenu spaltu illu centru storicu, magnà e bì fra mùsiga, baddi e spittacculì finz’a talda notti.Sighi illa nuttata tra sabatu e duminica la versioni d’istatiali di lu decennali Carrasciali timpiesu, ulganizzata da Comuni di Tèmpiu, Pro Loco e Li Carrascialai. Da li deci sera, gruppi musigali e mascarati, cun carri arrustu, frisghjoli longhi e muscateddu chi cundarani la sfilata di li carri illu centru di Tèmpiu. Divessi carri piddarani poi palti, come l’annu passatu, a lu “Carnevale Tempiese in Tour“, in prugramma a Figari la dì 22 d’austu, eventu chi s’agghjugnì a lu solitu intoppu in Corsica a primmaera pa lu Carrasciali di Sartene.

L.P.