Binzamanna un’azienda sarda de primore

15 Fiàrgiu 2020
Martis

* Dae sa terra a sa butìllia * S’istòria de Binzamanna incumentzat a manera ufitziale in su 2001, candu Sara Spanu e Walter Deledda, cun s’iscopu de produire binos bonos e cun s’intentu de recùperu de sas bìngias traditzionales de su territòriu de Màltis (biddighedda de  sa regione istòrica de s’Anglona chi s’agatat a una deghina de chilòmitros de Tàtari e lacana a sa Gaddura), fundant impari sa cantina issoro.

Cun Binzamanna in Màltis torrat a frorire sa bide. Inoghe, a pustis de su 1945, sas bìngias ant incumentzau a èssere lassadas, posca a las bogare. Pro more de sa pèrdida de bides autoctonas, fundos comente su Cagnulari e su Moristellu, sa cantina coperativa de sa bidda at tancadu sa produtzione de binu.

Sas bìngias de sa cantina Binzamanna sunt traballadas in unu terroir ricu de elementos minerales, cun presèntzia de carcare, importante meda pro sa produtzione de binos biancos saboridos e elegantes. A cantu naradu s’annanghet unu clima chi at ierros caldumos pro more de su mare e de sos errios. Oe Binzamanna est una realidade bene aviada, forte de una produzione importante de binos biancos e de binos rujos. Sa produtzione si cumponet de bèvidas simples e de bèvidas istruturadas.

Sas simples, comente su binu Ares, su binu Rentiles e su Ligeja (unu binu de binnenna trigadia de Vermentinu traballadu in atzàrgiu e in linna), sunt fatas feti cun unu tipu de àghina e incubonadas in atzàrgiu.

Sas bèvidas istruturadas e incubonadas feti in atzàrgiu, comente su Spanu, sunt imbetzes su frutu de blend (est a nàrrere una cumbinatzione) meda interessantes. Pròpiu su Spanu est su resurtu de unu blend de àghina Cagnulari e Maristellu.

Galu, Binzamanna at puru binos prus rilevantes, comente su Nuraghe Sas Molas, frutu de una binnenna trigadia de Cannonau; su Carrucana, interpretassione praghillosa de su Cagnulari e Sas Piras, unu binu produidu cun àghina Cagnulari chentu pro chentu.

Sende un’azienda de bìngias e binos intre sas prus importantes de sa provìntzia de Tàtari, Binzamanna est stètia insertada in sa “Guida Vini” de “Quattrocalici”.

© RIPRODUZIONE RISERVATA

Dae sa terra a sa butìllia

Progetu realizadu cun sa partetzipatzione de sa Regione Autònoma de Sardigna – L.R. LR 22/2018, art. 22

Image
Regione Autonoma Sardigna

Aciungi unu cumentu