Sunt obertas is iscritzionis a su prèmiu Grenaches du Monde

S'at a tenni de su 16 a su 17 de arbili s'editzioni 2020 de s'atòbiu internatzionali Grenaches du Monde, sa manifestada dedicada a is binus de ratza Grenaches ghiada de su Conseil interprofessionnel des Vins du Roussillon (CiVR).

Comenti s'annu passau e totu, s'editzioni de ocannu s'at sboddiai in Montpellier e previdit duas setzionis: sa de unu, po binus IGT, DOC o DOCG chi tenint unu tanti de àxina Grenache asumancu de s’85%; sa de duus est sa setzioni Assemblage, cun su 51% de àxina Grenache.

Intre is sardus ant a podi pigai parti prusetotu is binus fatus cun axina Cannonau.

Is cantinas chi ant a bolli partetzipai a sa manifestada tenint tempus fintzas a su 9 de su mesi de martzu po s'iscriri. Po ddu fai ant a depi impitai su modulu pubblicau de su giassu ufitziali de sa manifestada.

F.P.