Coronavirus: su comunu de Pauli ativat unu serbìtziu po agiudai a is tzitadinus chi tenint abisòngiu

Su Comunu de Pauli fait isciri cun nd’una nota de imprenta publicada in su giassu cumunali, ca po cumbàtiri s’apretu coronavirus, su 14 de su mesi marzu, su Sìndigu impari cun su “Centro Comunale di Protezione Civile” at ativau unu serbìtziu de agiudu a is tzitadinus.

Totus is chi tenint un'edadi prus manna de 65 annus, is chi no s’intendint beni e is chi ndi tenint abisòngiu podint tzerrai a su nùmeru 0705849387.

Su serbìtziu fait cunsignas de meixinas o de cosa de papai a is tzitadinus chi dd’ant a pediri.

Su serbìtziu meixinas est ativu dògnia diri, mentras, su serbìtziu po fai sa spesa est ativu de su lunis a su cenàbara.

Po ndi gosai tocat a su nùmeru inditau de is 9:00 a is 12:00 e de is 16:00 a is 19:00.

F.P.