COVID-19: sighit sa circa de s'Universidadi de Casteddu
Is detzisionis de is Retoris de Tàtari e Casteddu a faci de su Coronavirus
A pustis de s'apretu causau de sa difusioni de su Coronavirus e de sa detzisioni, pigada de su Guvernu italianu su 9 de su mesi de martzu passau, de firmai s'istrantzidura de sa genti in Sardigna puru, su Retori de s'Universidadi de Tàtari at publicau unu documentu po fai cumentzai is lezionis e is esamis “a distàntzia”.
S'Universidadi de Casteddu, imbecis, at firmau totu is fainas dedicadas a is istudiantis cosa sua fintzas a su 3 de su mesi de arbili.
In s'Universidadi casteddaia sighit fitiana sa circa asuba de su COVID-19, cun d'unu progetu de tres milionis de euro, chi at essi ispesau de s’Unioni Europea e ghiau de Enzo Tramontano.
Fotografia pigada de Flickr. Autori Sergio Santos
© RIPRODUZIONE RISERVATA